Sharada Bhujanga Prayat Ashtakam (शारदा भुजंग प्रयात अष्टकम्)
शारदा भुजंग प्रयात अष्टकम् (Sharada Bhujanga Prayat Ashtakam) सुवक्षोजकुंभां सुधापूर्णकुंभां प्रसादावलंबां प्रपुण्यावलंबाम् । सदास्येंदुबिंबां सदानोष्ठबिंबां भजे शारदांबामजस्रं मदंबाम् ॥ 1 ॥ कटाक्षे दयार्द्रां करे ज्ञानमुद्रां कलाभिर्विनिद्रां कलापैः सुभद्राम् । पुरस्त्रीं विनिद्रां पुरस्तुंगभद्रां भजे शारदांबामजस्रं मदंबाम् ॥ 2 ॥ ललामांकफालां लसद्गानलोलां स्वभक्तैकपालां यशःश्रीकपोलाम् । करे त्वक्षमालां कनत्पत्रलोलां भजे शारदांबामजस्रं मदंबाम् ॥ 3 ॥ सुसीमंतवेणीं दृशा निर्जितैणीं रमत्कीरवाणीं नमद्वज्रपाणीम् । सुधामंथरास्यां मुदा चिंत्यवेणीं भजे शारदांबामजस्रं मदंबाम् ॥ 4 ॥ सुशांतां सुदेहां दृगंते कचांतां लसत्सल्लतांगीमनंतामचिंत्याम् । स्मरेत्तापसैः सर्गपूर्वस्थितां तां भजे शारदांबामजस्रं मदंबाम् ॥ 5 ॥ कुरंगे तुरंगे मृगेंद्रे खगेंद्रे मराले मदेभे महोक्षेऽधिरूढाम् । महत्यां नवम्यां सदा सामरूपां भजे शारदांबामजस्रं मदंबाम् ॥ 6 ॥ ज्वलत्कांतिवह्निं जगन्मोहनांगीं भजे मानसांभोज सुभ्रांतभृंगीम् । निजस्तोत्रसंगीतनृत्यप्रभांगीं भजे शारदांबामजस्रं मदंबाम् ॥ 7 ॥ भवांभोजनेत्राजसंपूज्यमानां लसन्मंदहासप्रभावक्त्रचिह्नाम् । चलच्चंचलाचारुताटंककर्णां भजे शारदांबामजस्रं मदंबाम् ॥ 8 ॥ इति श्री शारदा भुजंग प्रयाताष्टकम् ।
Recommendations
Festivals
A calendar of all the various Hindu Festivals throughout the year.
Horoscope
Explore our comprehensive horoscope section for daily, weekly, and monthly astrological insights. Discover what the stars have in store for your love life, career, health, and personal growth across all zodiac signs.