Ashtakam Collection

श्री गणेशाष्टकम् (Shri Ganesha Ashtakam) ॥ अथ श्री गणेशाष्टकम् ॥ श्री गणेशाय नमः। सर्वे उचुः। यतोऽनन्तशक्तेरनन्ताश्च जीवायतो निर्गुणादप्रमेया गुणास्ते। यतो भाति सर्वं त्रिधा भेदभिन्नंसदा तं गणेशं नमामो भजामः॥1॥ यतश्चाविरासीज्जगत्सर्वमेतत्तथाऽब्जासनोविश्वगो विश्वगोप्ता। तथेन्द्रादयो देवसङ्घा मनुष्याःसदा तं गणेशं नमामो भजामः॥2॥ यतो वह्निभानू भवो भूर्जलं चयतः सागराश्चन्द्रमा व्योम वायुः। यतः स्थावरा जङ्गमा वृक्षसङ्घासदा तं गणेशं नमामो भजामः॥3॥ यतो दानवाः किन्नरा यक्षसङ्घायतश्चारणा वारणाः श्वापदाश्च। यतः पक्षिकीटा यतो वीरूधश्चसदा तं गणेशं नमामो भजामः॥4॥ यतो बुद्धिरज्ञाननाशो मुमुक्षोर्यतःसम्पदो भक्तसन्तोषिकाः स्युः। यतो विघ्ननाशो यतः कार्यसिद्धिःसदा तं गणेशं नमामो भजामः॥5॥ यतः पुत्रसम्पद्यतो वाञ्छितार्थोयतोऽभक्तविघ्नास्तथाऽनेकरूपाः। यतः शोकमोहौ यतः काम एवसदा तं गणेशं नमामो भजामः॥6॥ यतोऽनन्तशक्तिः स शेषो बभूवधराधारणेऽनेकरूपे च शक्तः। यतोऽनेकधा स्वर्गलोका हि नानासदा तं गणेशं नमामो भजामः॥7॥ यतो वेदवाचो विकुण्ठा मनोभिःसदा नेति नेतीति यत्ता गृणन्ति। परब्रह्मरूपं चिदानन्दभूतंसदा तं गणेशं नमामो भजामः॥8॥ ॥ फल श्रुति ॥ श्रीगणेश उवाच। पुनरूचे गणाधीशःस्तोत्रमेतत्पठेन्नरः। त्रिसन्ध्यं त्रिदिनं तस्यसर्वं कार्यं भविष्यति॥9॥ यो जपेदष्टदिवसंश्लोकाष्टकमिदं शुभम्। अष्टवारं चतुर्थ्यां तुसोऽष्टसिद्धिरवानप्नुयात्॥10॥ यः पठेन्मासमात्रं तुदशवारं दिने दिने। स मोचयेद्वन्धगतंराजवध्यं न संशयः॥11॥ विद्याकामो लभेद्विद्यांपुत्रार्थी पुत्रमाप्नुयात्। वाञ्छितांल्लभतेसर्वानेकविंशतिवारतः॥12॥ यो जपेत्परया भक्तयागजाननपरो नरः। एवमुक्तवा ततोदेवश्चान्तर्धानं गतः प्रभुः॥13॥ ॥ इति श्रीगणेशपुराणे उपासनाखण्डे श्रीगणेशाष्टकं सम्पूर्णम् ॥

कृष्णाष्टकम् (Krishna Ashtakam) ॥ अथ श्री कृष्णाष्टकम् ॥ वसुदेव सुतं देवंकंस चाणूर मर्दनम्। देवकी परमानन्दंकृष्णं वन्दे जगद्गुरुम्॥1॥ अतसी पुष्प सङ्काशम्हार नूपुर शोभितम्। रत्न कङ्कण केयूरंकृष्णं वन्दे जगद्गुरुम्॥2॥ कुटिलालक संयुक्तंपूर्णचन्द्र निभाननम्। विलसत् कुण्डलधरंकृष्णं वन्दे जगद्गुरुम्॥3॥ मन्दार गन्ध संयुक्तंचारुहासं चतुर्भुजम्। बर्हि पिञ्छाव चूडाङ्गंकृष्णं वन्दे जगद्गुरुम्॥4॥ उत्फुल्ल पद्मपत्राक्षंनील जीमूत सन्निभम्। यादवानां शिरोरत्नंकृष्णं वन्दे जगद्गुरुम्॥5॥ रुक्मिणी केलि संयुक्तंपीताम्बर सुशोभितम्। अवाप्त तुलसी गन्धंकृष्णं वन्दे जगद्गुरुम्॥6॥ गोपिकानां कुचद्वन्द्वकुङ्कुमाङ्कित वक्षसम्। श्रीनिकेतं महेष्वासंकृष्णं वन्दे जगद्गुरुम्॥7॥ श्रीवत्साङ्कं महोरस्कंवनमाला विराजितम्। शङ्खचक्रधरं देवंकृष्णं वन्दे जगद्गुरुम्॥8॥ कृष्णाष्टक मिदं पुण्यंप्रातरुत्थाय यः पठेत्। कोटिजन्म कृतं पापंस्मरणेन विनश्यति॥ ॥ इति श्री कृष्णाष्टकम् सम्पूर्णम् ॥ Bhagwan Krishna

मधुरा अष्टकम् (Madhura Ashtakam) ॥ मधुराष्टकम् ॥ अधरं मधुरं वदनं मधुरंनयनं मधुरं हसितं मधुरम्। हृदयं मधुरं गमनं मधुरंमधुराधिपतेरखिलं मधुरम्॥1॥ वचनं मधुरं चरितं मधुरंवसनं मधुरं वलितं मधुरम्। चलितं मधुरं भ्रमितं मधुरंमधुराधिपतेरखिलं मधुरम्॥2॥ वेणुर्मधुरो रेणुर्मधुरःपाणिर्मधुरः पादौ मधुरौ। नृत्यं मधुरं सख्यं मधुरंमधुराधिपतेरखिलं मधुरम्॥3॥ गीतं मधुरं पीतं मधुरंभुक्तं मधुरं सुप्तं मधुरम्। रूपं मधुरं तिलकं मधुरंमधुराधिपतेरखिलं मधुरम्॥4॥ करणं मधुरं तरणं मधुरंहरणं मधुरं रमणं मधुरम्। वमितं मधुरं शमितं मधुरंमधुराधिपतेरखिलं मधुरम्॥5॥ गुञ्जा मधुरा माला मधुरायमुना मधुरा वीची मधुरा। सलिलं मधुरं कमलं मधुरंमधुराधिपतेरखिलं मधुरम्॥6॥ गोपी मधुरा लीला मधुरायुक्तं मधुरं मुक्तं मधुरम्। दृष्टं मधुरं शिष्टं मधुरंमधुराधिपतेरखिलं मधुरम्॥7॥ गोपा मधुरा गावो मधुरायष्टिर्मधुरा सृष्टिर्मधुरा। दलितं मधुरं फलितं मधुरंमधुराधिपतेरखिलं मधुरम्॥8॥ ॥ इति श्रीमद्वल्लभाचार्यकृतं मधुराष्टकं सम्पूर्णम् ॥ Bhagwan Krishna

श्री गोविन्द अष्टकम् (Shri Govinda Ashtakam) ॥ श्रीगोविन्दाष्टकम् ॥ सत्यं ज्ञानमनन्तं नित्यमनाकाशं परमाकाशं गोष्ठप्राङ्गणरिङ्गणलोलमनायासं परमायासम्। मायाकल्पितनानाकारमनाकारं भुवनाकारं क्ष्मामा नाथमनाथं प्रणमत गोविन्दं परमानन्दम्॥1॥ मृत्स्नामत्सीहेति यशोदाताडनशैशवसंत्रासं व्यादितवक्त्रालोकितलोकालोकचतुर्दशलोकालिम्। लोकत्रयपुरमूलस्तम्भं लोकालोकमनालोकं लोकेशं परमेशं प्रणमत गोविन्दं परमानन्दम्॥2॥ त्रैविष्टपरिपुवीरघ्नं क्षितिभारघ्नं भवरोगघ्नं कैवल्यं नवनीताहारमनाहारं भुवनाहारम्। वैमल्यस्फुटचेतोवृत्तिविशेषाभासमनाभासं शैवं केवलशान्तं प्रणमत गोविन्दं परमानन्दम्॥3॥ गोपालं भुलीलाविग्रहगोपालं कुलगोपालं गोपीखेलनगोवर्धनधृतिलीलालालितगोपालम्। गोभिर्निगदितगोविन्दस्फुटनामानं बहुनामानं गोपीगोचरदूरं प्रणमत गोविन्दं परमानन्दम्॥4॥ गोपीमण्डलगोष्ठीभेदं भेदावस्थमभेदाभं शश्वद्गोखुरनिर्धूतोद्धतधूलीधूसरसौभाग्यम्। श्रद्धाभक्तिगृहीतानन्दमचिन्त्यं चिन्तितसद्भावं चिन्तामणिमहिमानं प्रणमत गोविन्दं परमानन्दम्॥5॥ स्नानव्याकुलयोषिद्वस्त्रमुपादायागमुपारूढं व्यादित्सन्तीरथ दिग्वस्त्रा ह्युपदातुमुपाकर्षन्तम्। निर्धूतद्वयशोकविमोहं बुद्धं बुद्धेरन्तःस्थं सत्तामात्रशरीरं प्रणमत गोविन्दं परमानन्दम्॥6॥ कान्तं कारणकारणमादिमनादिं कालमनाभासं कालिन्दीगतकालियशिरसि मुहुर्नृत्यन्तं नृत्यन्तम्। कालं कालकलातीतं कलिताशेषं कलिदोषघ्नं कालत्रयगतिहेतुं प्रणमत गोविन्दं परमानन्दम्॥7॥ वृन्दावनभुवि वृन्दारकगणवृन्दाराध्यं वन्देऽहं कुन्दाभामलमन्दस्मेरसुधानन्दं सुहृदानन्दम्। वन्द्याशेषमहामुनिमानसवन्द्यानन्दपदद्वन्द्वं वन्द्याशेषगुणाब्धिं प्रणमत गोविन्दं परमानन्दम्॥8॥ गोविन्दाष्टकमेतदधीते गोविन्दार्पितचेता यो गोविन्दाच्युत माधवविष्णो गोकुलनायक कृष्णेति। गोविन्दाङ्घ्रिसरोजध्यानसुधाजलधौतसमस्ताघो गोविन्दं परमानन्दामृतमन्तःस्थं स समभ्येति॥9॥ ॥ इति श्रीमच्छङ्कराचार्यविरचितं श्रीगोविन्दाष्टकं सम्पूर्णम् ॥ Bhagwan Krishna

श्री नन्दकुमार अष्टकम् (Shri Nandakumar Ashtakam) ॥ श्रीनन्दकुमाराष्टकम् ॥ सुन्दरगोपालम् उरवनमालंनयनविशालं दुःखहरं। वृन्दावनचन्द्रमानन्दकन्दंपरमानन्दं धरणिधर वल्लभघनश्यामं पूर्णकामंअत्यभिरामं प्रीतिकरं। भज नन्दकुमारं सर्वसुखसारंतत्त्वविचारं ब्रह्मपरम्॥1॥ सुन्दरवारिजवदनं निर्जितमदनंआनन्दसदनं मुकुटधरं। गुञ्जाकृतिहारं विपिनविहारंपरमोदारं चीरहर वल्लभपटपीतं कृतउपवीतंकरनवनीतं विबुधवरं। भज नन्दकुमारं सर्वसुखसारंतत्त्वविचारं ब्रह्मपरम्॥2॥ शोभितमुखधूलं यमुनाकूलंनिपटअतूलं सुखदतरं। मुखमण्डितरेणुं चारितधेनुंवादितवेणुं मधुरसुर वल्लभमतिविमलं शुभपदकमलंनखरुचिअमलं तिमिरहरं। भज नन्दकुमारं सर्वसुखसारंतत्त्वविचारं ब्रह्मपरम्॥3॥ शिरमुकुटसुदेशं कुञ्चितकेशंनटवरवेशं कामवरं। मायाकृतमनुजं हलधरअनुजंप्रतिहतदनुजं भारहर वल्लभव्रजपालं सुभगसुचालंहितमनुकालं भाववरं। भज नन्दकुमारं सर्वसुखसारंतत्त्वविचारं ब्रह्मपरम्॥4॥ इन्दीवरभासं प्रकटसुरासंकुसुमविकासं वंशिधरं। हृतमन्मथमानं रूपनिधानंकृतकलगानं चित्तहर वल्लभमृदुहासं कुञ्जनिवासंविविधविलासं केलिकरं। भज नन्दकुमारं सर्वसुखसारंतत्त्वविचारं ब्रह्मपरम्॥5॥ अतिपरप्रवीणं पालितदीनंभक्ताधीनं कर्मकरं। मोहनमतिधीरं फणिबलवीरंहतपरवीरं तरलतर वल्लभव्रजरमणं वारिजवदनंहलधरशमनं शैलधरं। भज नन्दकुमारं सर्वसुखसारंतत्त्वविचारं ब्रह्मपरम्॥6॥ जलधरद्युतिअङ्गं ललितत्रिभङ्गंबहुकृतरङ्गं रसिकवरं। गोकुलपरिवारं मदनाकारंकुञ्जविहारं गूढतर वल्लभव्रजचन्द्रं सुभगसुछन्दंकृतआनन्दं भ्रान्तिहरं। भज नन्दकुमारं सर्वसुखसारंतत्त्वविचारं ब्रह्मपरम्॥7॥ वन्दितयुगचरणं पावनकरणंजगदुद्धरणं विमलधरं। कालियशिरगमनं कृतफणिनमनंघातितयमनं मृदुलतर वल्लभदुःखहरणं निर्मलचरणम्अशरणशरणं मुक्तिकरं। भज नन्दकुमारं सर्वसुखसारंतत्त्वविचारं ब्रह्मपरम्॥8॥ ॥ इति श्रीमहाप्रभुवल्लभाचार्यविरचितं श्रीनन्दकुमाराष्टकं सम्पूर्णम् ॥ Bhagwan Krishna

शंकराचार्य कृत शिव अष्टकम् (Shankaracharya Krit Shiva Ashtakam) ॥ शिवाष्टकम् ॥ तस्मै नमः परमकारणकारणाय दीप्तोज्ज्वलज्ज्वलितपिङ्गललोचनाय। नागेन्द्रहारकृतकुण्डलभूषणाय ब्रह्मेन्द्रविष्णुवरदाय नमः शिवाय॥1॥ श्रीमत्प्रसन्नशशिपन्नगभूषणाय शैलेन्द्रजावदनचुम्बितलोचनाय। कैलासमन्दरमहेन्द्रनिकेतनाय लोकत्रयार्तिहरणाय नमः शिवाय॥2॥ पद्मावदातमणिकुण्डलगोवृषाय कृष्णागरुप्रचुरचन्दनचर्चिताय। भस्मानुषक्तविकचोत्पलमल्लिकाय नीलाब्जकण्ठसदृशाय नमः शिवाय॥3॥ लम्बत्सपिङ्गलजटामुकुटोत्कटाय दंष्ट्राकरालविकटोत्कटभैरवाय। व्याघ्राजिनाम्बरधराय मनोहराय त्रैलोक्यनाथनमिताय नमः शिवाय॥4॥ दक्षप्रजापतिमहामखनाशनाय क्षिप्रं महात्रिपुरदानवघातनाय। ब्रह्मोर्जितोर्ध्वगकरोटिनिकृन्तनाय योगाय योगनमिताय नमः शिवाय॥5॥ संसारसृष्टिघटनापरिवर्तनाय रक्षः पिशाचगणसिद्धसमाकुलाय। सिद्धोरगग्रहगणेन्द्रनिषेविताय शार्दूलचर्मवसनाय नमः शिवाय॥6॥ भस्माङ्गरागकृतरूपमनोहराय सौम्यावदातवनमाश्रितमाश्रिताय। गौरीकटाक्षनयनार्धनिरीक्षणाय गोक्षीरधारधवलाय नमः शिवाय॥7॥ आदित्यसोमवरुणानिलसेविताय यज्ञाग्निहोत्रवरधूमनिकेतनाय। ऋक्सामवेदमुनिभिः स्तुतिसंयुताय गोपाय गोपनमिताय नमः शिवाय॥8॥ शिवाष्टकमिदं पुण्यं यः पठेत् शिवसन्निधौ। शिवलोकमवाप्नोति शिवेन सह मोदते॥ ॥ इति श्री शङ्कराचार्यकृतं शिवाष्टकं सम्पूर्णम् ॥ Bhagwan shiva

शिव अष्टकम् (Shiva Ashtakam) ॥ अथ श्री शिवाष्टकम् ॥ प्रभुं प्राणनाथं विभुं विश्वनाथंजगन्नाथ नाथं सदानन्द भाजाम्। भवद्भव्य भूतेश्वरं भूतनाथं,शिवं शङ्करं शम्भु मीशानमीडे॥1॥ गले रुण्डमालं तनौ सर्पजालंमहाकाल कालं गणेशादि पालम्। जटाजूट गङ्गोत्तरङ्गै र्विशालं,शिवं शङ्करं शम्भु मीशानमीडे॥2॥ मुदामाकरं मण्डनं मण्डयन्तंमहा मण्डलं भस्म भूषाधरं तम्। अनादिं ह्यपारं महा मोहमारं,शिवं शङ्करं शम्भु मीशानमीडे॥3॥ वटाधो निवासं महाट्टाट्टहासंमहापाप नाशं सदा सुप्रकाशम्। गिरीशं गणेशं सुरेशं महेशं,शिवं शङ्करं शम्भु मीशानमीडे॥4॥ गिरीन्द्रात्मजा सङ्गृहीतार्धदेहंगिरौ संस्थितं सर्वदापन्न गेहम्। परब्रह्म ब्रह्मादिभिर्-वन्द्यमानं,शिवं शङ्करं शम्भु मीशानमीडे॥5॥ कपालं त्रिशूलं कराभ्यां दधानंपदाम्भोज नम्राय कामं ददानम्। बलीवर्धमानं सुराणां प्रधानं,शिवं शङ्करं शम्भु मीशानमीडे॥6॥ शरच्चन्द्र गात्रं गणानन्दपात्रंत्रिनेत्रं पवित्रं धनेशस्य मित्रम्। अपर्णा कलत्रं सदा सच्चरित्रं,शिवं शङ्करं शम्भु मीशानमीडे॥7॥ हरं सर्पहारं चिता भूविहारंभवं वेदसारं सदा निर्विकारं। श्मशाने वसन्तं मनोजं दहन्तं,शिवं शङ्करं शम्भु मीशानमीडे॥8॥ स्वयं यः प्रभाते नरश्शूल पाणेपठेत् स्तोत्ररत्नं त्विहप्राप्यरत्नम्। सुपुत्रं सुधान्यं सुमित्रं कलत्रंविचित्रैस्समाराध्य मोक्षं प्रयाति॥ ॥ इति श्रीशिवाष्टकं सम्पूर्णम् ॥ Bhagwan Shiva

श्री गौरीश अष्टकम् (Shri Gaurisha Ashtakam) ॥ श्री गौरीशाष्टकम ॥ भज गौरीशं भज गौरीशंगौरीशं भज मन्दमते। जलभवदुस्तरजलधिसुतरणंध्येयं चित्ते शिवहरचरणम्। अन्योपायं न हि न हि सत्यंगेयं शङ्कर शङ्कर नित्यम्। भज गौरीशं भज गौरीशंगौरीशं भज मन्दमते॥1॥ दारापत्यं क्षेत्रं वित्तंदेहं गेहं सर्वमनित्यम्। इति परिभावय सर्वमसारंगर्भविकृत्या स्वप्नविचारम्। भज गौरीशं भज गौरीशंगौरीशं भज मन्दमते॥2॥ मलवैचित्ये पुनरावृत्ति:पुनरपि जननीजठरोत्पत्ति:। पुनरप्याशाकुलितं जठरं किंनहि मुञ्चसि कथयेश्चित्तम्। भज गौरीशं भज गौरीशंगौरीशं भज मन्दमते॥3॥ मायाकल्पितमैन्द्रं जालं नहि तत्सत्यं दृष्टिविकारम्। ज्ञाते तत्त्वे सर्वमसारं माकुरु मा कुरु विषयविचारम्। भज गौरीशं भज गौरीशंगौरीशं भज मन्दमते॥4॥ रज्जौ सर्पभ्रमणा-रोपस्तद्वद्ब्रह्मणि जगदारोप:। मिथ्यामायामोहविकारंमनसि विचारय बारम्बारम्। भज गौरीशं भज गौरीशंगौरीशं भज मन्दमते॥5॥ अध्वरकोटीगङ्गागमनं कुरुतेयोगं चेन्द्रियदमनम्। ज्ञानविहीन: सर्वमतेन नभवति मुक्तो जन्मशतेन। भज गौरीशं भज गौरीशंगौरीशं भज मन्दमते॥6॥ सोऽहं हंसो ब्रह्मैवाहंशुद्धानन्दस्तत्त्वपरोऽहम्। अद्वैतोऽहं सङ्गविहीनेचेन्द्रिय आत्मनि निखिले लीने। भज गौरीशं भज गौरीशंगौरीशं भज मन्दमते॥7॥ शङ्करकिंङ्कर मा कुरु चिन्तांचिंतामणिना विरचितमेतत्। य: सद्भक्त्या पठति हि नित्यंब्रह्मणि लीनो भवति हि सत्यम्। भज गौरीशं भज गौरीशंगौरीशं भज मन्दमते॥8॥ ॥ इति श्रीचिन्तामणिविरचितं गौरीशाष्टकं सम्पूर्णम् ॥ Bhagwan Shiva

श्री दीनबन्धु अष्टकम् (Shri Dinabandhu Ashtakam) ॥ श्री दीनबन्ध्वष्टकम् ॥ यस्मादिदं जगदुदेति चतुर्मुखाद्यंयस्मिन्नवस्थितमशेषमशेषमूले। यत्रोपयाति विलयं च समस्तमन्तेदृग्गोचरो भवतु मेऽद्य स दीनबन्धुः॥1॥ चक्रं सहस्रकरचारु करारविन्देगुर्वी गदा दरवरश्च विभाति यस्य। पक्षीन्द्रपृष्ठपरिरोपितपादपद्मो।दृग्गोचरो भवतु मेऽद्य स दीनबन्धुः॥2॥ येनोद्धृता वसुमती सलिले निमग्ना नग्नाच पाण्डववधूः स्थगिता दुकूलैः। संमोचितो जलचरस्य मुखाद्गजेन्द्रो।दृग्गोचरो भवतु मेऽद्य स दीनबन्धुः॥3॥ यस्यार्द्रदृष्टिवशतस्तु सुराः समृद्धिंकोपेक्षणेन दनुजा विलयं व्रजन्ति। भीताश्चरन्ति च यतोऽर्कयमानिलाद्या।दृग्गोचरो भवतु मेऽद्य स दीनबन्धुः॥4॥ गायन्ति सामकुशला यमजं मखेषुध्यायन्ति धीरमतयो यतयो विविक्ते। पश्यन्ति योगिपुरुषाः पुरुषं शरीरे।दृग्गोचरो भवतु मेऽद्य स दीनबन्धुः॥5॥ आकाररूपगुणयोगविवर्जितोऽपि मददभक्तानुकम्पननिमित्तगृहीतमूर्तिः। यः सर्वगोऽपि कृतशेषशरीरशय्यो।दृग्गोचरो भवतु मेऽद्य स दीनबन्धुः॥6॥ यस्याङ्घ्रिपङ्कजमनिद्रमुनीन्द्रवृन्दैराराध्यते भवदवानलदाहशान्त्यै। सर्वापराधमविचिन्त्य ममाखिलात्मा।दृग्गोचरो भवतु मेऽद्य स दीनबन्धुः॥7॥ यन्नामकीर्तनपरः श्वपचोऽपि नूनंहित्वाखिलं कलिमलं भुवनं पुनाति। दग्ध्वा ममाघमखिलं करुणेक्षणेन।दृग्गोचरो भवतु मेऽद्य स दीनबन्धुः॥8॥ दीनबन्ध्वष्टकं पुण्यंब्रह्मानन्देन भाषितम्। यः पठेत् प्रयतो नित्यंतस्य विष्णुः प्रसीदति॥9॥ ॥ इति श्रीमत्परमहंसस्वामिब्रह्मानन्दविरचितं श्रीदीनबन्ध्वष्टकं सम्पूर्णम् ॥ Bhagwan Vishnu

श्री कमलापति अष्टकम् (Shri Kamalapati Ashtakam) ॥ श्री कमलापत्यष्टकम् ॥ भुजगतल्पगतं घनसुन्दरंगरुडवाहनमम्बुजलोचनम्। नलिनचक्रगदाकरमव्ययंभजत रे मनुजाः कमलापतिम्॥1॥ अलिकुलासितकोमलकुन्तलंविमलपीतदुकूलमनोहरम्। जलधिजाङ्कितवामकलेवरंभजत रे मनुजाः कमलापतिम्॥2॥ किमु जपैश्च तपोभिरुताध्वरैरपिकिमुत्तमतीर्थनिषेवणैः। किमुत शास्त्रकदम्बविलोकनैर्भजतरे मनुजाः कमलापतिम्॥3॥ मनुजदेहमिमं भुवि दुर्लभंसमधिगम्य सुरैरपि वाञ्छितम्। विषयलम्पटतामपहाय वैभजत रे मनुजाः कमलापतिम्॥4॥ न वनिता न सुतो न सहोदरो नहि पिता जननी न च बान्धवः। व्रजति साकमनेन जनेन वैभजत रे मनुजाः कमलापतिम्॥5॥ सकलमेव चलं सचराचरंजगदिदं सुतरां धनयौवनम्। समवलोक्य विवेकदृशा द्रुतंभजत रे मनुजाः कमलापतिम्॥6॥ विविधरोगयुतं क्षणभंगुरंपरवशं नवमार्गमलाकुलम्। परिनिरीक्ष्य शरीरमिदं स्वकंभजत रे मनुजाः कमलापतिम्॥7॥ मुनिवरैरनिशं हृदि भावितंशिवविरिञ्चिमहेन्द्रनुतं सदा। मरणजन्मजराभयमोचनंभजत रे मनुजाः कमलापतिम्॥8॥ हरिपदाष्टकमेतदनुत्तमंपरमहंसजनेन समीरितम्। पठति यस्तु समाहितचेतसाव्रजति विष्णुपदं स नरो ध्रुवम्॥9॥ ॥ इति श्रीमत्परमहंसस्वामिब्रह्मानन्दविरचितं श्रीकमलापत्यष्टकं सम्पूर्णम् ॥ Bhagwan Vishnu

श्री नारायण अष्टकम् (Shri Narayana Ashtakam) ॥ श्री नारायणाष्टकम् ॥ वात्सल्यादभयप्रदान-समयादार्तिनिर्वापणा- दौदार्यादघशोषणाद-गणितश्रेयःपदप्रापणात्। सेव्यः श्रीपतिरेक एवजगतामेतेऽभवन्साक्षिणः प्रह्लादश्च विभीषणश्चकरिराट् पाञ्चाल्यहल्या ध्रुवः॥1॥ प्रह्लादास्ति यदीश्वरो वदहरिः सर्वत्र मे दर्शय स्तम्भे चैवमितिब्रुवन्तमसुरं तत्राविरासीद्धरिः। वक्षस्तस्य विदारयन्निजन-खैर्वात्सल्यमापाद- यन्नार्तत्राणपरायणः सभगवान्नारायणो मे गतिः॥2॥ श्रीरामात्र विभीषणोऽयमनघोरक्षोभयादागतः सुग्रीवानय पालयैनमधुनापौलस्त्यमेवागतम्। इत्युक्त्वाभयमस्यसर्वविदितं यो राघवो दत्तवानार्तत्राणपरायणः सभगवान्नारायणो मे गतिः॥3॥ नक्रग्रस्तपदं समुद्धतकरंब्रह्मादयो भो सुराः पाल्यन्तामिति दीनवाक्यकरिणंदेवेष्वशक्तेषु यः। मा भैषीरिति यस्यनक्रहनने चक्रायुधः श्रीधर। आर्तत्राणपरायणः सभगवान्नारायणो मे गतिः॥4॥ भो कृष्णाच्युत भो कृपालयहरे भो पाण्डवानां सखे क्वासि क्वासि सुयोधनादपहृतांभो रक्ष मामातुराम्। इत्युक्तोऽक्षयवस्त्रसंभृततनुंयोऽपालयद्द्रौपदी- मार्तत्राणपरायणः सभगवान्नारायणो मे गतिः॥5॥ यत्पादाब्जनखोदकं त्रिजगतांपापौघविध्वंसनं यन्नामामृतपूरकं चपिबतां संसारसन्तारकम्। पाषाणोऽपि यदङ्घ्रिपद्मरजसाशापान्मुनेर्मोचित। आर्तत्राणपरायणः सभगवान्नारायणो मे गतिः॥6॥ पित्रा भ्रातरमुत्तमासनगतंचौत्तानपादिध्रुवो दृष्ट्वा तत्सममारुरुक्षुरधृतोमात्रावमानं गतः। यं गत्वा शरणं यदापतपसा हेमाद्रिसिंहासन- मार्तत्राणपरायणः सभगवान्नारायणो मे गतिः॥7॥ आर्ता विषण्णाः शिथिलाश्च भीताघोरेषु च व्याधिषु वर्तमानाः। सङ्कीर्त्य नारायणशब्दमात्रंविमुक्तदुःखाः सुखिनो भवन्ति॥8॥ ॥ इति श्रीकूरेशस्वामिविरचितं श्रीनारायणाष्टकं सम्पूर्णम् ॥

श्री हरि शरणाष्टकम् (Shri Hari Sharanashtakam) ॥ श्री हरि शरणाष्टकम् ॥ ध्येयं वदन्ति शिवमेव हि केचिदन्येशक्तिं गणेशमपरे तु दिवाकरं वै। रूपैस्तु तैरपि विभासि यतस्त्वमेवतस्मात्त्वमेव शरणं मम दीनबन्धो॥1॥ नो सोदरो न जनको जननी न जायानैवात्मजो न च कुलं विपुलं बलं वा। संदृष्यते न किल कोऽपि सहायको मेतस्मात्त्वमेव शरणं मम दीनबन्धो॥2॥ नोपासिता मदमपास्य मया महान्तस्तीर्थानिचास्तिकधिया न हि सेवितानि। देवार्चनं च विधिवन्न कृतं कदापितस्मात्त्वमेव शरणं मम दीनबन्धो॥3॥ दुर्वासना मम सदा परिकर्षयन्तिचित्तं शरीरमपि रोगगणा दहन्ति। सञ्जीवनं च परहस्तगतं सदैवतस्मात्त्वमेव शरणं मम दीनबन्धो॥4॥ पूर्वं कृतानि दुरितानि मया तु यानिस्मृत्वाखिलानि ह्रदयं परिकम्पते मे। ख्याता च ते पतितपावनता तु यस्मात्तस्मात्त्वमेव शरणं मम दीनबन्धो॥5॥ दुःखं जराजननजं विविधाश्च रोगा:काकश्वसूकरजनिर्निरय च पात:। त्वद्विस्मॄतेः फलमिदं विततं हि लोकेतस्मात्त्वमेव शरणं मम दीनबन्धो॥6॥ नीचोऽपि पापवलितोऽपि विनिन्दितोऽपिब्रूयात्तवाहमिति यस्तु किलैकवारम्। तं यच्छसीश निजलोकमिति व्रतं तेतस्मात्त्वमेव शरणं मम दीनबन्धो॥7॥ वेदेषु धर्मवचनेषु तथागमेषुरामायणेऽपि च पुराणकदम्बके वा। सर्वत्र सर्वविधिना गदितस्त्वमेवतस्मात्त्वमेव शरणं मम दीनबन्धो॥8॥ ॥ इति श्रीमत्परमहंसस्वामिब्रह्मानन्दविरचितं श्रीहरिशरणाष्टकं सम्पूर्णम् ॥ Bhagwan Vishnu

श्री राम अष्टकम् (Shri Ram Ashtakam) ॥ श्रीरामाष्टकम् ॥ कृतार्तदेववन्दनंदिनेशवंशनन्दनम्। सुशोभिभालचन्दनंनमामि राममीश्वरम्॥1॥ मुनीन्द्रयज्ञकारकंशिलाविपत्तिहारकम्। महाधनुर्विदारकंनमामि राममीश्वरम्॥2॥ स्वतातवाक्यकारिणंतपोवने विहारिणम्। करे सुचापधारिणंनमामि राममीश्वरम्॥3॥ कुरङ्गमुक्तसायकंजटायुमोक्षदायकम्। प्रविद्धकीशनायकंनमामि राममीश्वरम्॥4॥ प्लवङ्गसङ्गसम्मतिंनिबद्धनिम्नगापतिम्। दशास्यवंशसङ्क्षतिंनमामि राममीश्वरम्॥5॥ विदीनदेवहर्षणंकपीप्सितार्थवर्षणम्। स्वबन्धुशोककर्षणंनमामि राममीश्वरम्॥6॥ गतारिराज्यरक्षणंप्रजाजनार्तिभक्षणम्। कृतास्तमोहलक्षणंनमामि राममीश्वरम्॥7॥ हृताखिलाचलाभरंस्वधामनीतनागरम्। जगत्तमोदिवाकरंनमामि राममीश्वरम्॥8॥ इदं समाहितात्मनानरो रघूत्तमाष्टकम्। पठन्निरन्तरं भयंभवोद्भवं न विन्दते॥9॥ ॥ इति श्रीपरमहंसस्वामिब्रह्मानन्दविरचितं श्रीरामाष्टकं सम्पूर्णम् ॥ Bhagwan Ram

श्री रामचन्द्र अष्टकम् (Shri Rama Chandra Ashtakam) ॥ श्रीरामचन्द्राष्टकम् ॥ चिदाकारो धातापरमसुखदः पावन- तनुर्मुनीन्द्रैर्यो-गीन्द्रैर्यतिपतिसुरेन्द्रैर्हनुमता। सदा सेव्यः पूर्णोजनकतनयाङ्गः सुरगुरू रमानाथो रामो रमतुमम चित्ते तु सततम्॥1॥ मुकुन्दो गोविन्दोजनकतनयालालितपदः पदं प्राप्तायस्याधमकुलभवा चापि शबरी। गिरातीतोऽगम्योविमलधिषणैर्वेदवचसा रमानाथो रामो रमतुमम चित्ते तु सततम्॥2॥ धराधीशोऽधीशःसुरनरवराणां रघुपतिः किरीटी केयूरीकनककपिशः शोभितवपुः। समासीनः पीठेरविशतनिभे शान्तमनसो रमानाथो रामो रमतुमम चित्ते तु सततम्॥3॥ वरेण्यः शारण्यःकपिपतिसखश्चान्तविधुरो ललाटे काश्मीरोरुचिरगतिभङ्गः शशिमुखः। नराकारो रामोयतिपतिनुतः संसृतिहरो रमानाथो रामो रमतुमम चित्ते तु सततम्।॥4॥ विरूपाक्षः कश्यामुपदिशियन्नाम शिवदं सहस्रं यन्नाम्नां पठतिगिरिजा प्रत्युषसि वै। स्वलोके गायन्तीश्वरविधिमुखायस्य चरितं रमानाथो रामो रमतुमम चित्ते तु सततम्॥5॥ परो धीरोऽधीरोऽसुरकुल-भवश्चासुरहरः परात्मा सर्वज्ञोनरसुरगणैर्गीतसुयशाः। अहल्याशापघ्नःशरकरऋजुः कौशिकसखो रमानाथो रामो रमतुमम चित्ते तु सततम्॥6॥ हृषीकेशः शौरिर्धरणि-धरशायी मधुरिपु- रुपेन्द्रोवैकुण्ठोगजरिपुहरस्तुष्टमनसा। बलिध्वंसी वीरोदशरथसुतो नीतिनिपुणो रमानाथो रामो रमतुमम चित्ते तु सततम्॥7॥ कविः सौमित्रीड्यःकपटमृगघाती वनचरो रणश्लाघी दान्तोधरणिभरहर्ता सुरनुतः। अमानी मानज्ञोनिखिलजनपूज्यो हृदिशयो रमानाथो रामो रमतुमम चित्ते तु सततम्॥8॥ इदं रामस्तोत्रंवरममरदासेन रचितमुषः काले भक्त्या यदिपठति यो भावसहितम्। मनुष्यः स क्षिप्रंजनिमृतिभयं तापजनकं परित्यज्य श्रेष्ठंरघुपतिपदं याति शिवदम्॥9॥ ॥ इति श्रीमद्रामदासपूज्यपादशिष्य श्रीमद्धंसदासशिष्येणामरदासाख्यकविना विरचितं श्रीरामचन्द्राष्टकं समाप्तम् ॥ Bhagwan

संकट मोचन हनुमान अष्टकम् (Sankat Mochan Hanuman Ashtakam) ॥ संकट मोचन हनुमानाष्टक ॥ ॥ मत्तगयन्द छन्द ॥ बाल समय रवि भक्षि लियोतब तीनहुँ लोक भयो अँधियारो। ताहि सों त्रास भयो जग कोयह संकट काहु सों जात न टारो। देवन आनि करी बिनतीतब छाँड़ि दियो रबि कष्ट निवारो। को नहिं जानत है जग मेंकपि संकटमोचन नाम तिहारो॥1॥ बालि की त्रास कपीस बसैगिरि जात महाप्रभु पंथ निहारो। चौंकि महा मुनि साप दियोतब चाहिय कौन बिचार बिचारो। कै द्विज रूप लिवाय महाप्रभुसो तुम दास के सोक निवारो। को नहिं जानत है जग मेंकपि संकटमोचन नाम तिहारो॥2॥ अंगद के सँग लेन गये सियखोज कपीस यह बैन उचारो। जीवत ना बचिहौ हम सो जुबिना सुधि लाए इहाँ पगु धारो। हेरि थके तट सिंधु सबैतब लाय सिया-सुधि प्रान उबारो। को नहिं जानत है जग मेंकपि संकटमोचन नाम तिहारो॥3॥ रावन त्रास दई सिय कोसब राक्षसि सों कहि सोक निवारो। ताहि समय हनुमान महाप्रभुजाय महा रजनीचर मारो। चाहत सीय असोक सों आगि सुदै प्रभु मुद्रिका सोक निवारो। को नहिं जानत है जग मेंकपि संकटमोचन नाम तिहारो॥4॥ बान लग्यो उर लछिमन केतब प्रान तजे सुत रावन मारो। लै गृह बैद्य सुषेन समेत तबैगिरि द्रोन सु बीर उपारो। आनि सजीवन हाथ दईतब लछिमन के तुम प्रान उबारो। को नहिं जानत है जग मेंकपि संकटमोचन नाम तिहारो॥5॥ रावन जुद्ध अजान कियो तबनाग कि फाँस सबै सिर डारो। श्रीरघुनाथ समेत सबै दलमोह भयो यह संकट भारो। आनि खगेस तबै हनुमान जुबंधन काटि सुत्रास निवारो। को नहिं जानत है जग मेंकपि संकटमोचन नाम तिहारो॥6॥ बंधु समेत जबै अहिरावनलै रघुनाथ पताल सिधारो। देबिहिं पूजि भली बिधि सोंबलि देउ सबै मिलि मंत्र बिचारो। जाय सहाय भयो तब हीअहिरावन सैन्य समेत सँहारो। को नहिं जानत है जग मेंकपि संकटमोचन नाम तिहारो॥7॥ काज कियो बड़ देवन के तुमबीर महाप्रभु देखि बिचारो। कौन सो संकट मोर गरीब कोजो तुमसों नहिं जात है टारो। बेगि हरो हनुमान महाप्रभुजो कुछ संकट होय हमारो। को नहिं जानत है जग मेंकपि संकटमोचन नाम तिहारो॥8॥ ॥ दोहा ॥ लाल देह लाली लसे,अरू धरि लाल लँगूर। बज्र देह दानव दलन,जय जय कपि सूर॥ Bhagwan Hanuman

श्री सूर्य अष्टकम् (Shri Surya Ashtakam) ॥ सूर्याष्टकम् ॥ आदिदेव नमस्तुभ्यंप्रसीद मम भास्कर। दिवाकर नमस्तुभ्यंप्रभाकर नमोऽस्तुते॥1॥ सप्ताश्वरथमारूढंप्रचण्डं कश्यपात्मजम्। श्वेतपद्मधरं देवं तंसूर्यं प्रणमाम्यहम्॥2॥ लोहितं रथमारूढंसर्वलोकपितामहम्। महापापहरं देवं तंसूर्यं प्रणमाम्यहम्॥3॥ त्रैगुण्यं च महाशूरंब्रह्माविष्णुमहेश्वरम्। महापापहरं देवं तंसूर्यं प्रणमाम्यहम्॥4॥ बृंहितं तेजःपुञ्जं चवायुमाकाशमेव च। प्रभुं च सर्वलोकानांतं सूर्यं प्रणमाम्यहम्॥5॥ बन्धूकपुष्पसङ्काशंहारकुण्डलभूषितम्। एकचक्रधरं देवंतं सूर्यं प्रणमाम्यहम्॥6॥ तं सूर्यं जगत्कर्तारंमहातेजःप्रदीपनम्। महापापहरं देवंतं सूर्यं प्रणमाम्यहम्॥7॥ तं सूर्यं जगतां नाथंज्ञानविज्ञानमोक्षदम्। महापापहरं देवंतं सूर्यं प्रणमाम्यहम्॥8॥ ॥ इति श्रीशिवप्रोक्तं सूर्याष्टकं सम्पूर्णम् ॥ Bhagwan Surya

महालक्ष्मी अष्टकम् (Mahalakshmi Ashtakam) ॥ महालक्ष्म्यष्टकम् ॥ नमस्तेऽस्तु महामाये श्रीपीठे सुरपूजिते। शङ्खचक्रगदाहस्ते महालक्ष्मि नमोऽस्तुते॥1॥ नमस्ते गरुडारूढे कोलासुरभयङ्करि। सर्वपापहरे देवि महालक्ष्मि नमोऽस्तुते॥2॥ सर्वज्ञे सर्ववरदे सर्वदुष्टभयङ्करि। सर्वदुःखहरे देवि महालक्ष्मि नमोऽस्तुते॥3॥ सिद्धिबुद्धिप्रदे देवि भुक्तिमुक्तिप्रदायिनि। मन्त्रमूर्ते सदा देवि महालक्ष्मि नमोऽस्तुते॥4॥ आद्यन्तरहिते देवि आद्यशक्तिमहेश्वरि। योगजे योगसम्भूते महालक्ष्मि नमोऽस्तुते॥5॥ स्थूलसूक्ष्ममहारौद्रे महाशक्तिमहोदरे। महापापहरे देवि महालक्ष्मि नमोऽस्तुते॥6॥ पद्मासनस्थिते देवि परब्रह्मस्वरूपिणि। परमेशि जगन्मातर्महालक्ष्मि नमोऽस्तुते॥7॥ श्वेताम्बरधरे देवि नानालङ्कारभूषिते। जगत्स्थिते जगन्मातर्महालक्ष्मि नमोऽस्तुते॥8॥ महालक्ष्म्यष्टकं स्तोत्रं यः पठेद्भक्तिमान्नरः। सर्वसिद्धिमवाप्नोति राज्यं प्राप्नोति सर्वदा॥9॥ एककाले पठेन्नित्यं महापापविनाशनम्। द्विकालं यः पठेन्नित्यं धनधान्यसमन्वितः॥10॥ त्रिकालं यः पठेन्नित्यं महाशत्रुविनाशनम्। महालक्ष्मीर्भवेन्नित्यं प्रसन्ना वरदा शुभा॥11॥ ॥ इति इन्द्रकृतं महालक्ष्म्यष्टकं सम्पूर्णम् ॥ Devi Lakshmi

सरस्वती अष्टकम् (Saraswati Ashtakam) ॥ श्री सरस्वती अष्टकम् ॥ ॥ शतानीक उवाच ॥ महामते महाप्राज्ञसर्वशास्त्रविशारद। अक्षीणकर्मबन्धस्तुपुरुषो द्विजसत्तम॥1॥ मरणे यज्जोपेज्जाप्यंयं च भावमनुस्मरन्। परं पदमवाप्नोतितन्मे ब्रूहि महामुने॥2॥ ॥ शौनक उवाच ॥ इदमेव महाराजपृष्टवांस्ते पितामहः। भीष्मं धर्मविदां श्रेष्ठंधर्मपुत्रो युधिष्ठिरः॥3॥ ॥ युधिष्ठिर उवाच ॥ पितामह महाप्राज्ञसर्वशास्त्रविशारदः। बृहस्पतिस्तुता देवीवागीशेन महात्मना। आत्मायं दर्शयामासंसूर्य कोटिसमप्रभम्॥4॥ ॥ सरस्वत्युवाच ॥ वरं वृणीष्व भद्रंते यत्ते मनसि विद्यते। ॥ बृहस्पतिरूवाच ॥ यदि मे वरदा देविदिव्यज्ञानं प्रयच्छ नः॥5॥ ॥ देव्युवाच ॥ हन्त ते निर्मलज्ञानंकुमतिध्वंसकारणम्। स्तोत्रणानेन यो भक्तयामां स्तुवन्ति मनीषिण॥6॥ ॥ बृहस्पतिरूवाच ॥ लभते परमं ज्ञानंयतपरैरपि दुर्लभम्। प्राप्नोति पुरुषो नित्यंमहामाया प्रसादतः॥7॥ ॥ सरस्वत्युवाच ॥ त्रिसन्ध्यं प्रयतो नित्यंपठेदष्टकमुत्तमम्। तस्य कण्ठे सदा वासंकरिष्यामि न संशयः॥8॥ ॥ इति श्रीपद्मपुराणे सरस्वती अष्टकम् सम्पूर्णम् ॥

श्री भवानी अष्टकम् (Shri Bhavani Ashtakam) ॥ श्री भवान्यष्टकम् ॥ न तातो न माता न बन्धुर्न दातान पुत्रो न पुत्री न भृत्यो न भर्ता। न जाया न विद्या न वृत्तिर्ममैवगतिस्त्वं गतिस्त्वं त्वमेका भवानि॥1॥ भवाब्धावपारे महादुःखभीरुःपपात प्रकामी प्रलोभी प्रमत्तः। कुसंसारपाशप्रबद्धः सदाहंगतिस्त्वं गतिस्त्वं त्वमेका भवानि॥2॥ न जानामि दानं न च ध्यानयोगंन जानामि तन्त्रं न च स्तोत्रमन्त्रम्। न जानामि पूजां न च न्यासयोगम्गतिस्त्वं गतिस्त्वं त्वमेका भवानि॥3॥ न जानामि पुण्यं न जानामि तीर्थंन जानामि मुक्ति लयं वा कदाचित्। न जानामि भक्ति व्रतं वापिमातर्गतिस्त्वं गतिस्त्वं त्वमेका भवानि॥4॥ कुकर्मी कुसङ्गी कुबुद्धिः कुदासःकुलाचारहीनः कदाचारलीनः। कुदृष्टि: कुवाक्यप्रबन्धः सदाहम्गतिस्त्वं गतिस्त्वं त्वमेका भवानि॥5॥ प्रजेशं रमेशं महेशं सुरेशंदिनेशं निशीथेश्वरं वा कदाचित्। न जानामि चान्यत् सदाहं शरण्येगतिस्त्वं गतिस्त्वं त्वमेका भवानि॥6॥ विवादे विषादे प्रमादे प्रवासेजले चानले पर्वते शत्रुमध्ये। अरण्ये शरण्ये सदा मां प्रपाहिगतिस्त्वं गतिस्त्वं त्वमेका भवानि॥7॥ अनाथो दरिद्रो जरारोगयुक्तोमहाक्षीणदीनः सदा जाड्यवक्त्रः। विपत्तौ प्रविष्टः प्रणष्ट: सदाहंगतिस्त्वं गतिस्त्वं त्वमेका भवानि॥8॥ ॥ इति श्रीमच्छङ्कराचार्यकृतं भवान्यष्टकं सम्पूर्णम् ॥ Shri Bhavani Ashtakam

श्री कालिका अष्टकम् (Shri Kalika Ashtakam) ॥ श्री कालिकाष्टकम् ॥ गलद्रक्तमुण्डावलीकण्ठमालामहोघोररावा सुदंष्ट्रा कराला। विवस्त्रा श्मशानालया मुक्तकेशीमहाकालकामाकुला कालिकेयम्॥1॥ भुजे वामयुग्मे शिरोऽसिं दधानावरं दक्षयुग्मेऽभयं वै तथैव। सुमध्याऽपि तुङ्गस्तनाभारनम्रालसद्रक्तसृक्कद्वया सुस्मितास्या॥2॥ शवद्वन्द्वकर्णावतंसा सुकेशीलसत्प्रेतपाणिं प्रयुक्तैककाञ्ची। शवाकारमञ्चाधिरूढा शिवाभिश्-चतुर्दिक्षुशब्दायमानाऽभिरेजे॥3॥ विरञ्च्यादिदेवास्त्रयस्ते गुणांस्त्रीन्समाराध्य कालीं प्रधाना बभूबुः। अनादिं सुरादिं मखादिं भवादिंस्वरूपं त्वदीयं न विन्दन्ति देवाः॥4॥ जगन्मोहनीयं तु वाग्वादिनीयंसुहृत्पोषिणीशत्रुसंहारणीयम्। वचस्तम्भनीयं किमुच्चाटनीयंस्वरूपं त्वदीयं न विन्दन्ति देवाः॥5॥ इयं स्वर्गदात्री पुनः कल्पवल्लीमनोजांस्तु कामान् यथार्थं प्रकुर्यात्। तथा ते कृतार्था भवन्तीति नित्यं-स्वरूपं त्वदीयं न विन्दन्ति देवाः॥6॥ सुरापानमत्ता सुभक्तानुरक्तालसत्पूतचित्ते सदाविर्भवत्ते। जपध्यानपूजासुधाधौतपङ्कास्वरूपं त्वदीयं न विन्दन्ति देवाः॥7॥ चिदानन्दकन्दं हसन् मन्दमन्दंशरच्चन्द्रकोटिप्रभापुञ्जबिम्बम्। मुनीनां कवीनां हृदि द्योतयन्तंस्वरूपं त्वदीयं न विन्दन्ति देवाः॥8॥ महामेघकाली सुरक्तापि शुभ्राकदाचिद् विचित्राकृतिर्योगमाया। न बाला न वृद्धा न कामातुरापिस्वरूपं त्वदीयं न विन्दन्ति देवाः॥9॥ क्षमस्वापराधं महागुप्तभावं मयालोकमध्ये प्रकाशिकृतं यत्। तव ध्यानपूतेन चापल्यभावात्स्वरूपं त्वदीयं न विन्दन्ति देवाः॥10॥ यदि ध्यानयुक्तं पठेद् यो मनुष्यस्तदासर्वलोके विशालो भवेच्च। गृहे चाष्टसिद्धिर्मृते चापि मुक्तिःस्वरूपं त्वदीयं न विन्दन्ति देवाः॥11॥ ॥ इति श्रीमच्छङ्कराचार्यविरचितं श्रीकालिकाष्टकं सम्पूर्णम् ॥

|| श्री अमरनाथाष्टकम् || (Shri Amarnath Ashtakam) भागीरथीसलिलसान्द्रजटाकलापम् शीतांशुकान्ति-रमणीय-विशाल-भालम् । कर्पूरदुग्धहिमहंसनिभं स्वतोजम् नित्यं भजाम्यऽमरनाथमहं दयालुम् ॥ गौरीपतिं पशुपतिं वरदं त्रिनेत्रम् भूताधिपं सकललोकपतिं सुरेशम् । शार्दूलचर्मचितिभस्मविभूषिताङ्गम् नित्यं भजाम्यऽमरनाथमहं दयालुम् ॥ गन्धर्वयक्षरसुरकिन्नर-सिद्धसङ्घैः संस्तूयमानमनिशं श्रुतिपूतमन्त्रैः । सर्वत्रसर्वहृदयैकनिवासिनं तम् नित्यं भजाम्यऽमरनाथमहं दयालुम् ॥ व्योमानिलानलजलावनिसोमसूर्य होत्रीभिरष्टतनुभिर्जगदेकनाथः । यस्तिष्ठतीह जनमङ्गलधारणाय तं प्रार्थयाम्यऽमरनाथमहं दयालुम् ॥ शैलेन्द्रतुङ्गशिखरे गिरिजासमेतम् प्रालेयदुर्गमगुहासु सदा वसन्तम् । श्रीमद्गजाननविराजित दक्षिणाङ्कम् नित्यं भजाम्यऽमरनाथमहं दयालुम् ॥ वाग्बुद्धिचित्तकरणैश्च तपोभिरुग्रैः शक्यं समाकलयितुं न यदीयरूपम् । तं भक्तिभावसुलभं शरणं नतानाम् नित्य भजाम्यऽमरनाथमहं दयालुम् ॥ आद्यन्तहीनमखिलाधिपतिं गिरीशम् भक्तप्रियं हितकरं प्रभुमद्वयैकम् । सृष्टिस्थितिप्रलयलीलमनन्तशक्तिम् नित्यं भजाम्यऽमरनाथमहं दयालुम् ॥ हे पार्वतीश वृषभध्वज शूलपाणे हे नीलकण्ठ मदनान्तक शुभ्रमूर्ते । हे भक्तकल्पतरुरूप सुखैकसिन्धो मां पाहि पाहि भवतोऽमरनाथ नित्यम् ॥ इति स्वामी वरदानन्दभारतीविरचितं श्रीअमरनाथाष्टकं सम्पूर्णम् ।

|| त्रिपुरसुंदरी अष्टकम || (Tripurasundari Ashtakam) कदम्बवनचारिणीं मुनिकदम्बकादम्बिनीं नितम्बजितभूधरां सुरनितम्बिनीसेविताम्। नवाम्बुरुहलोचनामभिनवाम्बुदश्यामलां त्रिलोचनकुटुम्बिनीं त्रिपुरसुन्दरीमाश्रये। कदम्बवनवासिनीं कनकवल्लकीधारिणीं महार्हमणिहारिणीं मुखसमुल्लसद्वारुणीम्। दयाविभवकारिणीं विशदरोचनाचारिणीं त्रिलोचनकुटुम्बिनीं त्रिपुरसुन्दरीमाश्रये। कदम्बवनशालया कुचभरोल्लसन्मालया कुचोपमितशैलया गुरुकृपलसद्वेलया। मदारुणकपोलया मधुरगीतवाचालया कयापि घनलीलया कवचिता वयं लीलया। कदम्बवनमध्यगां कनकमण्डलोपस्थितां षडम्बुरुवासिनीं सततसिद्धसौदामिनीम्। विडम्बितजपारुचिं विकचचन्द्रचूडामणिं त्रिलोचनकुटुम्बिनीं त्रिपुरसुन्दरीमाश्रये। कुचाञ्चितविपञ्चिकां कुटिलकुन्तलालङ्कृतां कुशेशयनिवासिनीं कुटिलचित्तविद्वेषिणीम्। मदारुणविलोचनां मनसिजारिसम्मोहिनीं मतङ्गमुनिकन्यकां मधुरभाषिणीमाश्रये। स्मरेत्प्रथमपुष्पिणीं रुधिरबिन्दुनीलाम्बरां गृहीतमधुपात्रिकां मदविघूर्णनेत्राञ्चलाम्। घनस्तनभरोन्नतां गलितचूलिकां श्यामलां त्रिलोचनकुटुम्बिनीं त्रिपुरसुन्दरीमाश्रये। सकुङ्कुमविलेपनामलिकचुम्बिकस्तूरिकां समन्दहसितेक्षणां सशरचापपाशाङ्कुशाम्। अशेषजनमोहिनीमरुणमाल्यभूषाम्बरां जपाकुसुरभासुरां जपविधौ स्मराम्यम्बिकाम्। पुरन्दरपुरन्ध्रिकां चिकुरबन्धसैरन्ध्रिकां पितामहपतिव्रतापटुपटीरचर्चारताम्। मुकुन्दरमणीमणीलसदलङ्क्रियाकारिणीं भजामि भुवनम्बिकां सुरवधूटिकाचेटिकाम्।