Nakshatra Suktam (Nakshatreshti) (नक्षत्र सूक्तम् (नक्षत्रेष्टि) )
नक्षत्र सूक्तम् (नक्षत्रेष्टि) (Nakshatra Suktam (Nakshatreshti)) **नक्षत्रं - कृत्तिका, देवता - अग्निः** ॐ अग्निर्नः पातु कृत्तिकाः। नक्षत्रं देवमिंद्रियम्। इदमासां-विंचक्षणम्। हविरासं जुहोतन। यस्य भांति रश्मयो यस्य केतवः। यस्येमा विश्वा भुवनानि सर्वा। स कृत्तिकाभिरभिसंवँसानः। अग्निर्नो देवस्सुविते दधातु॥ **नक्षत्रं - रोहिणी, देवता - प्रजापतिः** प्रजापते रोहिणीवेतु पत्नी। विश्वरूपा बृहती चित्रभानुः। सा नो यज्ञस्य सुविते दधातु। यथा जीवे शरदस्सवीराः। रोहिणी देव्युदगात्पुरस्तात्। विश्वा रूपाणि प्रतिमोदमाना। प्रजापतिंग हविषा वर्धयंती। प्रिया देवानामुपयातु यज्ञम्॥ **नक्षत्रं - मृगशीर्षः, देवता - सोमः** सोमो राजा मृगशीर्षेण आगन्न्। शिवं नक्षत्रं प्रियमस्य धाम। आप्यायमानो बहुधा जनेषु। रेतः प्रजां-यँजमाने दधातु। यत्ते नक्षत्रं मृगशीर्षमस्ति। प्रियग्ं राजन् प्रियतमं प्रियाणाम्। तस्मै ते सोम हविषा विधेम। शन्न एधि द्विपदे शंचतुष्पदे॥ **नक्षत्रं - आर्द्रा, देवता - रुद्रः** आर्द्रया रुद्रः प्रथमा न एति। श्रेष्ठो देवानां पतिरघ्नियानाम्। नक्षत्रमस्य हविषा विधेम। मा नः प्रजाग्ं रीषिषन्मोत वीरान्। हेती रुद्रस्य परिणो वृणक्तु। आर्द्रा नक्षत्रं जुषताग्ं हविर्नः। प्रमुंचमानौ दुरितानि विश्वा। अपाघशग्ं सन्नु-दतामरातिम्॥ **नक्षत्रं - पुनर्वसु, देवता - अदितिः** पुनर्नो देव्यदिति-स्पृणोतु। पुनर्वसू नः पुनरेतां-यँज्ञम्। पुनर्नो देवा अभियंतु सर्वे। पुनः पुनर्वो हविषा यजामः। एवा न देवय-दितिरनर्वा। विश्वस्य भर्त्री जगतः प्रतिष्ठा। पुनर्वसू हविषा वर्धयंती। प्रियम देवानामप्येतु पाथः॥ **नक्षत्रं - पुष्यः, देवता - बृहस्पतिः** बृहस्पतिः प्रथमंजायमानः। तिष्यं नक्षत्रमभि संबभूव। श्रेष्ठो देवानां पृतनासु जिष्णुः। दिशोऽनु सर्वा अभयन्नो अस्तु। तिष्यः पुरस्तादुत मध्यतो नः। बृहस्पतिः नः परिपातु पच्छात्। बाधे तांद्वेषो अभयं कृणुताम्। सवीर्यस्य पतयस्याम॥ **नक्षत्रं - आश्रेषं, देवता - सर्पाः** इदग्ं सर्पेभ्यो हविरस्तु जुष्टम्। आश्रेषा येषामनुयंति चेतः। ये अंतरिक्षं पृथिवीं-क्षियंति। तेन स्सर्पासो हवमागमिष्ठाः। ये रोचने सूर्यस्यापि सर्पाः। ये दिवं देवीं-मनुसंचरंति। येषामाश्रेषा अनुयंति कामम्। तेभ्य-स्सर्पेभ्यो मधु-मज्जुहोमि॥ **नक्षत्रं - मघा, देवता - पितरः** उपहूताः पितरो ये मघासु। मनोजवस-स्सुकृत-स्सुकृत्याः। ते नो नक्षत्रे हवमागमिष्ठाः। स्वधाभिर्यज्ञं प्रयतं जुषंताम्। ये अग्निदग्धा येऽनग्नि-दग्धाः। येऽमुल्लोकं पितरः, क्षियंति। याग्ग्श्च विद्मयाग्ं उ च न प्रविद्म। मघासु यज्ञग्ं सुकृतं जुषंताम्॥ **नक्षत्रं - पूर्वफल्गुनी, देवता - अर्यमा** गवां पतिः फल्गुनी-नामसि त्वम्। तदर्यमन्वरुण मित्र चारु। तं त्वा वयग्ं सनीतारग्ं सनीनाम्। जीवा जीवंतमुप संविँशेम। येनेमा विश्वा भुवनानि संजिता। यस्य देवा अनुसंयंति चेतः। अर्यमा राजा-अजरस्तु विष्मान्। फल्गुनीना-मृषभो रोरवीति॥ **नक्षत्रं - उत्तर फल्गुनी, देवता - भगः** श्रेष्ठो देवानां भगवो भगासि। तत्त्वा विदुः फल्गुनी-स्तस्य वित्तात्। अस्मभ्यं-क्षत्रमजरग्ं सवीर्यम्। गोमदश्व-वदुपसन्नु-देह। भगोह दाता भग इत्प्रदाता। भगो देवीः फल्गुनी-राविवेश। भगस्येत्तं प्रसवं गमेम। यत्र देवै-स्सधमादं मदेम॥ **नक्षत्रं - हस्तः, देवता - सविता** आयातु देव-स्सवितो पयातु। हिरण्ययेन सुवृता रथेन। वहन, हस्तग्ं सुभगं-विँद्मनापसम्। प्रयच्छं पपुरिं पुण्यमच्छ। हस्तः प्रयच्छ त्वमृतं-वँसीयः। दक्षिणेन प्रतिगृभ्णीम एनत्। दातार-मद्य सविता विदेय। यो नो हस्तै प्रसुवाति यज्ञम्॥ **नक्षत्रं - चित्रा, देवता - त्वष्टा** त्वष्टा नक्षत्र-मभ्येति चित्राम्। सुभग्ं ससंयुवतिग्ं रोचमानाम्। निवेशय-न्नमृता-न्मर्त्याग्ंश्च। रूपाणि पिंग्शन् भुवनानि विश्वा। तन्नस्त्वष्टा तदु चित्रा विचष्टाम्। तन्नक्षत्रं भूरिदा अस्तु मह्यम्। तन्नः प्रजां-वीँरवतीग्ं सनोतु। गोभिर्नो अश्वै-स्समनक्तु यज्ञम्॥ **नक्षत्रं - स्वाती, देवता - वायुः** वायुः-नक्षत्र-मभ्येति निष्ट्याम्। तिग्मशृंगो वृषभो रोरुवाणः। समीरण भुवना मातरिश्वा। अप द्वेषाग्ंसि नुदतातामरातिः। तन्नो वायस्तदु निष्ट्या शृणोतु। तन्नक्षत्रं भूरिदा अस्तु मह्यम्। तन्नो देवासो अनुमदंतु कामम्। यथा तरेम दुरितानि विश्वा॥ **नक्षत्रं - विशाखा, देवता - इंद्राग्नी** दूरमस्मच्छत्रवो यंतु भीताः। तदिंद्राग्नी कृणुतां तद्विशाखे। तन्नो देवा अनुमदंतु यज्ञम्। पच्छात् पुरस्तादभयन्नो अस्तु। नक्षत्राणा-मधिपत्नी विशाखे। श्रेष्ठा-विंद्राग्नी भुवनस्य गोपौ। विषूच-श्शत्रूनपबाधमानौ। अपक्षुध-न्नुदतातामरातिम्॥
Recommendations
Festivals
A calendar of all the various Hindu Festivals throughout the year.
Horoscope
Explore our comprehensive horoscope section for daily, weekly, and monthly astrological insights. Discover what the stars have in store for your love life, career, health, and personal growth across all zodiac signs.