chandrashekharashtakam (चंद्रशेखराष्टकम्)
चंद्रशेखराष्टकम् (chandrashekharashtakam) चंद्रशेखर चंद्रशेखर चंद्रशेखर पाहिमाम् । चंद्रशेखर चंद्रशेखर चंद्रशेखर रक्षमाम् ॥ रत्नसानु शरासनं रजताद्रि शृंग निकेतनं शिंजिनीकृत पन्नगेश्वर मच्युतानल सायकम् । क्षिप्रदग्द पुरत्रयं त्रिदशालयै-रभिवंदितं चंद्रशेखरमाश्रये मम किं करिष्यति वै यमः ॥ 1 ॥ पंचपादप पुष्पगंध पदांबुज द्वयशोभितं फाललोचन जातपावक दग्ध मन्मध विग्रहम् । भस्मदिग्ध कलेबरं भवनाशनं भव मव्ययं चंद्रशेखर चंद्रशेखर चंद्रशेखर रक्षमाम् ॥ 2 ॥ मत्तवारण मुख्यचर्म कृतोत्तरीय मनोहरं पंकजासन पद्मलोचन पूजितांघ्रि सरोरुहम् । देव सिंधु तरंग श्रीकर सिक्त शुभ्र जटाधरं चंद्रशेखर चंद्रशेखर चंद्रशेखर पाहिमाम् ॥ 3 ॥ यक्ष राजसखं भगाक्ष हरं भुजंग विभूषणम् शैलराज सुता परिष्कृत चारुवाम कलेबरम् । क्षेल नीलगलं परश्वध धारिणं मृगधारिणम् चंद्रशेखर चंद्रशेखर चंद्रशेखर पाहिमाम् ॥ 4 ॥ कुंडलीकृत कुंडलीश्वर कुंडलं वृषवाहनं नारदादि मुनीश्वर स्तुतवैभवं भुवनेश्वरम् । अंधकांतक माश्रितामर पादपं शमनांतकं चंद्रशेखर चंद्रशेखर चंद्रशेखर रक्षमाम् ॥ 5 ॥ भेषजं भवरोगिणा मखिलापदा मपहारिणं दक्षयज्ञ विनाशनं त्रिगुणात्मकं त्रिविलोचनम् । भक्ति मुक्ति फलप्रदं सकलाघ संघ निबर्हणं चंद्रशेखर चंद्रशेखर चंद्रशेखर रक्षमाम् ॥ 6 ॥ भक्तवत्सल-मर्चितं निधिमक्षयं हरिदंबरं सर्वभूत पतिं परात्पर-मप्रमेय मनुत्तमम् । सोमवारिन भूहुताशन सोम पाद्यखिलाकृतिं चंद्रशेखर चंद्रशेखर चंद्रशेखर पाहिमाम् ॥ 7 ॥ विश्वसृष्टि विधायकं पुनरेवपालन तत्परं संहरं तमपि प्रपंच मशेषलोक निवासिनम् । क्रीडयंत महर्निशं गणनाथ यूथ समन्वितं चंद्रशेखर चंद्रशेखर चंद्रशेखर रक्षमाम् ॥ 8 ॥ मृत्युभीत मृकंडुसूनुकृतस्तवं शिवसन्निधौ यत्र कुत्र च यः पठेन्न हि तस्य मृत्युभयं भवेत् । पूर्णमायुररोगतामखिलार्थसंपदमादरं चंद्रशेखर एव तस्य ददाति मुक्तिमयत्नतः ॥ 9 ॥
Recommendations
Festivals
A calendar of all the various Hindu Festivals throughout the year.
Horoscope
Explore our comprehensive horoscope section for daily, weekly, and monthly astrological insights. Discover what the stars have in store for your love life, career, health, and personal growth across all zodiac signs.